Serwisowy běrow za serbsku rěč w komunalnych naležnosćach
Nastork za wutworjenje Serwisoweho běrowa za serbsku rěč w komunalnych naležnosćach wuchadźa z wubědźowanja “Rěčam přichilena komuna – Serbska rěč je žiwa”. Rada za serbske naležnosće Sakskeje je so prócowała wo přesadźenje tutoho žadanja. Zakład za zjawnu dwurěčnosć tworitaj art. 6 wustawy Sakskeje a Serbski zakoń z lěta 1999.
Wo wěcywustojnosć a přesadźenje dwurěčnosće w serbskim sydlenskim rumje prócujetaj so wot załoženja běrowa 2019 sem Jan Kral a Franciska Grajcarekowa w stajnej wuměnje ze serbskimi institucijemi.
Wupisanje dźěłoweho městna
Serwisowy běrow za serbsku rěč w komunalnych naležnosćach pyta
přełožowarja abo přełožowarku,
kotraž naš team wot 1. oktobra zesylni.
Što su dźěłowe wobłuki?
o natwar a hladanje syće za wuměnu nastupajo dwurěčnosć w komunach serbskeho sydlenskeho ruma w Sakskej
o poradźowanje komunow při zwoprawdźenju zjawneje dwurěčnosće
o přełožowanje a lektorizowanje formularow, tekstow a pod. za wužiwanje w komunalnym dźěle
o dokumentacija dźěłowych wotběhow
o wuhódnoćenje rezultatow přełožowanja
o dalewuwiće serbskeje terminologije w komunalnych zarjadach
o fachowa wuměna za dalewuwiće serbskeje rěče z fachowymi institucijemi
Što sej wot sobudźěłaćerja resp. sobudźěłaćerki přejemy?
o wysokošulske wotzamknjenje na polu sorabistiki/slawistiki
o kmanosć wědomostneho a samostatneho dźěła
o komunikatiwne kmanosće
o nazhonjenja přełožowanja mjez serbšćinu a němčinu kaž tež na polu zjawnostneho dźěła
o jězbnu dowolnosć
Što poskićamy?
o tydźenski dźěłowy čas wučinja 38 hodźinow, po dorěčenju je tež mjenje móžno
o mzdu płaćimy po TV-L (wotwisnje wot wukubłanja)
o dźěłowe městno je we Wojerecach
o městno je hač do 30. apryla 2026 wobmjezowane
o dołhodobne přistajenje je móžne
Maće-li zajim, potom požadajće so hač do 31. julija 2025.
Na prašenja Wam rady wotmołwimy.
Domowina – Zwjazk Łužiskich Serbow z. t.
Póstowe naměsto 2
02625 Budyšin
Serwisowy běrow je za Was wotydźenja telefonisce
wot 08.00 hodź. do 14.00 hodźin docpějomny,
jeničce pjatk do 12.00 hodźin.