Poradźena premjera
Jako prěnja gmejna je sej gmejna Ralbicy-Róžant pola nas wupožčiła simultanu techniku. Na posedźenju gmejnskeje rady w aprylu zasadźichu wuspěšnje techniku za přełožk, kotryž přewza Regina Krawcowa. Gmejnscy radźićeljo a wjesnjanosta Hubertus Ryćer běchu pozitiwnje překwapjeni wo derje skutkowacej technice. W přichodnych posedźenjach chcedźa techniku dale wužiwać. Pola nas su sej hižo wšitko skazali.